Rorya | Nyama ya Fisi yageuka dili, wapigana vikumbo wakigombania.

Katika hali isiyokuwa ya kawaida nyama ya fisi imegeuka kitowewo kwa wananchi na wakazi wa vijiji vya Bukana na Mori Wilayani Rorya Mkoani Mara baada ya kunyanganyana nyama hiyo hivi karibuni jambo ambalo limewaacha watu wengi vinywa wazi na kujiuliza kuwa nyama hiyo ni kwa ajili ya chakula au matumizi mengine.
Kitendo hicho kimewashangaza baadhi ya wananchi walioshuhudia tukio hilo kwani lilikuwa la kustaajabisha kwa binadamu kuchukua nyama za mnyama huyo ambaye anahusishwa na masuala ya kishirikina katika maeneo mengi ya nchi ya Tanzania ambapo wengine waalipoulizwa kwa nini wanafanya hivyo wamedai wanaenda kula huku wengine wakidai ni dawa.
Baadhi ya sehemu za viungo zilizokuwa zikigombaniwa ni mkia, sehemu za siri pamoja na mifupa yake hali ambayo imewafanya wengine kukosa na kuacha vipande vya ngozi, utumbo na kichwa.

Jacob Nyamu ni shuhuda wa tukio hilo akiongea kwa njia ya simu na CLEO NEWS anaeleza juu ya Tukio hilo ambalo mpaka sasa limewacha watu vinywa wazi