SURA YA NNE
"WP"
I
"Mabibi na mabwana, kwa niaba ya rubani wetu Godi Kazadi pamoja na wafanyakazi wenzake, ningependa kuwajulisheni kuwa mnamo dakika kumi na tano zijazo tutatua kwenye uwanja wa ndege wa Ndjili wa mjini Kinshasa. Ni matumaini yetu kuwa mmefurahia safari yenu ambayo mmesafiri na shirika la ndege la Zaire ndani ya ndege ya aina ya Boeing 737 ambayo imekuwa ikiruka kisi cha futi 30,000 juu ya usawa wa bahari. Kwa wageni ningependa kuwajulisha kuwa Kinshasa ndio mji mkuu wa Zaire ambao umejengwa pembeni mwa mto wa Zaire magharibi ya nchi. Mji wenyewe ni mtulivu kwa biashara na starehe na ninadiriki kusema kuwa ndio mji wenye anasa zaidi katika Afrika ya kati. Kwa hivi ni matumaini yetu kuwa mtafurahia kuwapo kwenu Kinshasa na tunawakaribisheni tena kusafiri na shirika la ndege la Zaire Mpatapo safari tena. Asanteni sana," ilisikika sauti nyororo na tamu ya msichana ikinena.
Abiria wote walichangamka kule kusikia walikuwa karibu kutua mjini Kinshasa. Hata waliokuwa wamelala waliamka.
Willy ambaye kwa muda mwingi alikuwa akisinziasinzia alikuwa sasa hivi yu macho. Alikuwa akisinziasinzia maana usiku ule alikuwa hakupata usingizi sawasawa. Alianza kufikiria usiku uliokuwa umepita. Usiku ule baada ya kuondoka na Amanda Ridgeway Hoteli, alimpeleka mpaka nyumbani kwake Kamwala. Alipofika nyumbani kwa Amanda. Amanda alimng'ang'ania aingie ndani. Amanda alikuwa akikaa peke yake kwenye nyumba ya chumba kimoja cha kulala na sebule. Kusema kweli kilitosha sana kwa msichana kama yeye na vyombo vilivyokuwa ndani vilionyesha waziwazi kuwa Amanda alikuwa na kipato cha juu. Haya yote Willy aliyaweka rohoni alipoingia ndani ya chumba hicho. Amanda alileta vinywaji wakaanza kunywa upya kabisa huku hali ya kimapenzi ikizidi kukomaa kati yao dakika hata dakika kiasi kwamba walijistukia ni saa tisa za usiku. Kwa hivi Amanda alimuomba Willy ajipumzishe pale kwa masaa yaliyokuwa yamebaki.
Kwa vile Willy hakutaka kumvunja moyo mtoto huyu alikubaliana naye na kwenda chumbani tayari kwa kulala. Sina haja ya kukueleza mengi kwani wewe mwenyewe unajua mambo wayafanyayo wawili wapendanao na hasa ikiwa penzi bado changa kama hili la Willy na Amanda. Kusema kweli watu hawa walistukia wale ndege wa asubuhi wanatoa salam zao kabla hata hawajafumba macho yao kusinzia. Hivi ilimbidi Willy aondoke awahi hotelini tayari kwa safari. Willy alikumbuka jinsi Amanda alivyomuaga huku machozi yakimtoka na huku akirudia neno lile anarudia usiku kucha "Willy mpenzi, sijui kwa nini nimekupenda kiasi chote hiki na huku kesho unaondoka tena! Tafadhali sana mpenzi ukienda urudi kuniona." Baada ya kuondoka nyumbani kwa Amanda alirudi hadi hotelini kwake ambapo alianza
kujitayarisha kwa safari.
Ilipofika saa kumi na mbili na nusu alipata simu toka kwa Chifu. Chifu alizidi tu kumhimiza umuhimu wa kazi aliyokuwa akienda kuifanya akimalizia kwa sentesi hii "Willy ni imani yangu kuwa kwa maadili na hamasa upiganaji wa kimapinduzi mtaweza kabisa kufauli katika jambo hili. Kwa hiyo nendeni mkaitende hii kazi kwa moyo safi na wa kimapinduzi, na Mungu atawasaidia", Willy aliyafikiria yote haya kwa moyo wa uchungu SANA kwani aliweza kuufikiria uzito wa mambo yaliyokuwa yakimngojea kuyakabiri huko Kinshasa. "Funga mkanda wako", alishituliwa Willy na msichana mmoja mfanyakazi, "Tunatua sasa"
"Oho asante bibie, nilikuwa mbali", Willy alijibu huku akijiweka sawa kwa kutua.
Ndege ilipokuwa imetua watu walianza kutelemka hapo kwenye uwanja wa ndege wa Ndjili wa mjini Kinshasa. Willy hakuwa mgeni sana mjini Kinshasa kwani alikuwa amewahi kufika mara mbili ingawaje kwa muda mfupi, hivi alikuwa akijua vipi mambo yalivyokuwa hapo uwanja wa ndege.
Akiwa amebeba mkoba wake Willy alitelemka pamoja na abiria wenzake kuelekea uhamiaji na ofisi ushuru wa forodha.
Willy aliweza kupita ukaguzi wa ofisi hizi bila shida na kutokea nje tayari kwa safari ya kuelekea mjini Kinshasa. Huku akiwa anaangaza huku na kule kuna kama kulikuwa na mtu ambaye alikuwa anaonyesha kumtegemea kuingia mjini Kinshasa. Alipoona hakuna mtu wa namna hii ila abiria waliowasili pamoja na ndugu zao waliokuja kuwapokea na taksi dereva walikuwa tayari kujipatia abiria wa kupeleka mjini. Willy alienda moja kwa moja mpaka kwenye ofisi za kampuni ya 'Soviete de Transport de Kinshasa' ijulikanayo kwa kifupi kama STK ambayo inashughulikia magari ya kukodisha. Alipofika kaunta ya ofisi hii aliwakuta wasichana waliokuwa wakishughulika.
"Habari yako dada?" Alimsalimia msichana aliyemkaribisha.
"Nzuri karibu, tukusaidie nini?" Yule msichana alimuuliza kwa sauti nyororo.
"Nahitaji gari".
"Oho, hamna taabu tunayo magari mazuri aina ya Mercedes Benz", alimweleza kisha akamwita msichana mmoja aliyekuwa amesimama hapo nje ya ofisi, "Marie, mpeleke abiria huyu mjini", Hii kampuni ya STK madereva wake wa teksi asilimia sitini na tano ni wanawake.
"Hapana, mimi nataka gari ya kuendesha mwenyewe (Salf drive) Willy alieleza.
"Vile vile hamna taabu", yule msichana alimjibu kisha akaendelea, "Unayo leseni ya udereva?".
"Ndiyo", alijibu Willy huku akitoa leseni yake ya kimataifa ya udereva na kumpa yule msichana. Yule msichana aliangalia leseni kisha akamwangalia Willy halafu akasema. "Bosi, masharti ni kwamba itakubidi utoe amana ya Zaire mia mbili, na malipo mengine utayafanya siku utakaporudisha gari, kwani unategemea kukaa nayo muda gani?".
"Huenda kiasi cha wiki moja au mbili".
"Vizuri, kwa sasa lipa pesa hizo na jaza fomu hii", akampa fomu. "Hebu nipe pasipoti", Willy alimpa pasipoti yake huku akiendelea kujaza fomu ya kukodi gari. Alipomaliza akamuuliza, naweza kulipa katika dola".
"Unaweza, nitakupa risti".
Walipomaliza taratibu zote yule msicha alichukua ufunguo wa gari na kumpeleka Willy kwenye gari moja kati ya yale yaliyokuwa yameegeshwa karibu na ofisi ile.
"Nimekuchagulia gari nzuri sanana mpya aina ya Marcedes Benz, ina 'redio-cassette' ndani yake, kwa hiyo naamini itakufaa sana, hasa kwa mfanyabiashara kama wewe. Na ukipata matatizo yoyote tafadhali nijulishe, kadi yangu ya kazi hii hapa", alimpa hiyo kadi Willy akaiangalia, ilikuwa na jina la msichana huyu ambaye jina lake aliitwa Ntumba Akanda. Vile vile kulikuwa na namba za simu yake ya nyumbani pamoja na ya kazini.
"Asante sana Ntumba, nikipata shida yoyote nitakujulisha",
"Hata kama utakosa mahala pa kulala karibuni nyumbani", alitania huku akicheka.
"Lo, afadhali nikose nafasi, ili nikaribishwe kwako," alijibu Willy naye kimatani.
"Bila wasiwasi, haya kwaheri".
"Asante sana bibie tutaonana", wakaagana.
"Kutoka uwanja wa ndege wa Ndjjili hadi mjini Kinshasa ni umbali wa kilomita 30. Hivi, Willy aliwasha gari moto kuondoka kuelekea mjini. Kwa hivo alikata gari lake kulia na kuingia ndani ya barabara ya Patrice Emery Lumumba barabara kubwa itokayo uwanja wa ndege akielekea mjini.
"WP"
I
"Mabibi na mabwana, kwa niaba ya rubani wetu Godi Kazadi pamoja na wafanyakazi wenzake, ningependa kuwajulisheni kuwa mnamo dakika kumi na tano zijazo tutatua kwenye uwanja wa ndege wa Ndjili wa mjini Kinshasa. Ni matumaini yetu kuwa mmefurahia safari yenu ambayo mmesafiri na shirika la ndege la Zaire ndani ya ndege ya aina ya Boeing 737 ambayo imekuwa ikiruka kisi cha futi 30,000 juu ya usawa wa bahari. Kwa wageni ningependa kuwajulisha kuwa Kinshasa ndio mji mkuu wa Zaire ambao umejengwa pembeni mwa mto wa Zaire magharibi ya nchi. Mji wenyewe ni mtulivu kwa biashara na starehe na ninadiriki kusema kuwa ndio mji wenye anasa zaidi katika Afrika ya kati. Kwa hivi ni matumaini yetu kuwa mtafurahia kuwapo kwenu Kinshasa na tunawakaribisheni tena kusafiri na shirika la ndege la Zaire Mpatapo safari tena. Asanteni sana," ilisikika sauti nyororo na tamu ya msichana ikinena.
Abiria wote walichangamka kule kusikia walikuwa karibu kutua mjini Kinshasa. Hata waliokuwa wamelala waliamka.
Willy ambaye kwa muda mwingi alikuwa akisinziasinzia alikuwa sasa hivi yu macho. Alikuwa akisinziasinzia maana usiku ule alikuwa hakupata usingizi sawasawa. Alianza kufikiria usiku uliokuwa umepita. Usiku ule baada ya kuondoka na Amanda Ridgeway Hoteli, alimpeleka mpaka nyumbani kwake Kamwala. Alipofika nyumbani kwa Amanda. Amanda alimng'ang'ania aingie ndani. Amanda alikuwa akikaa peke yake kwenye nyumba ya chumba kimoja cha kulala na sebule. Kusema kweli kilitosha sana kwa msichana kama yeye na vyombo vilivyokuwa ndani vilionyesha waziwazi kuwa Amanda alikuwa na kipato cha juu. Haya yote Willy aliyaweka rohoni alipoingia ndani ya chumba hicho. Amanda alileta vinywaji wakaanza kunywa upya kabisa huku hali ya kimapenzi ikizidi kukomaa kati yao dakika hata dakika kiasi kwamba walijistukia ni saa tisa za usiku. Kwa hivi Amanda alimuomba Willy ajipumzishe pale kwa masaa yaliyokuwa yamebaki.
Kwa vile Willy hakutaka kumvunja moyo mtoto huyu alikubaliana naye na kwenda chumbani tayari kwa kulala. Sina haja ya kukueleza mengi kwani wewe mwenyewe unajua mambo wayafanyayo wawili wapendanao na hasa ikiwa penzi bado changa kama hili la Willy na Amanda. Kusema kweli watu hawa walistukia wale ndege wa asubuhi wanatoa salam zao kabla hata hawajafumba macho yao kusinzia. Hivi ilimbidi Willy aondoke awahi hotelini tayari kwa safari. Willy alikumbuka jinsi Amanda alivyomuaga huku machozi yakimtoka na huku akirudia neno lile anarudia usiku kucha "Willy mpenzi, sijui kwa nini nimekupenda kiasi chote hiki na huku kesho unaondoka tena! Tafadhali sana mpenzi ukienda urudi kuniona." Baada ya kuondoka nyumbani kwa Amanda alirudi hadi hotelini kwake ambapo alianza
kujitayarisha kwa safari.
Ilipofika saa kumi na mbili na nusu alipata simu toka kwa Chifu. Chifu alizidi tu kumhimiza umuhimu wa kazi aliyokuwa akienda kuifanya akimalizia kwa sentesi hii "Willy ni imani yangu kuwa kwa maadili na hamasa upiganaji wa kimapinduzi mtaweza kabisa kufauli katika jambo hili. Kwa hiyo nendeni mkaitende hii kazi kwa moyo safi na wa kimapinduzi, na Mungu atawasaidia", Willy aliyafikiria yote haya kwa moyo wa uchungu SANA kwani aliweza kuufikiria uzito wa mambo yaliyokuwa yakimngojea kuyakabiri huko Kinshasa. "Funga mkanda wako", alishituliwa Willy na msichana mmoja mfanyakazi, "Tunatua sasa"
"Oho asante bibie, nilikuwa mbali", Willy alijibu huku akijiweka sawa kwa kutua.
Ndege ilipokuwa imetua watu walianza kutelemka hapo kwenye uwanja wa ndege wa Ndjili wa mjini Kinshasa. Willy hakuwa mgeni sana mjini Kinshasa kwani alikuwa amewahi kufika mara mbili ingawaje kwa muda mfupi, hivi alikuwa akijua vipi mambo yalivyokuwa hapo uwanja wa ndege.
Akiwa amebeba mkoba wake Willy alitelemka pamoja na abiria wenzake kuelekea uhamiaji na ofisi ushuru wa forodha.
Willy aliweza kupita ukaguzi wa ofisi hizi bila shida na kutokea nje tayari kwa safari ya kuelekea mjini Kinshasa. Huku akiwa anaangaza huku na kule kuna kama kulikuwa na mtu ambaye alikuwa anaonyesha kumtegemea kuingia mjini Kinshasa. Alipoona hakuna mtu wa namna hii ila abiria waliowasili pamoja na ndugu zao waliokuja kuwapokea na taksi dereva walikuwa tayari kujipatia abiria wa kupeleka mjini. Willy alienda moja kwa moja mpaka kwenye ofisi za kampuni ya 'Soviete de Transport de Kinshasa' ijulikanayo kwa kifupi kama STK ambayo inashughulikia magari ya kukodisha. Alipofika kaunta ya ofisi hii aliwakuta wasichana waliokuwa wakishughulika.
"Habari yako dada?" Alimsalimia msichana aliyemkaribisha.
"Nzuri karibu, tukusaidie nini?" Yule msichana alimuuliza kwa sauti nyororo.
"Nahitaji gari".
"Oho, hamna taabu tunayo magari mazuri aina ya Mercedes Benz", alimweleza kisha akamwita msichana mmoja aliyekuwa amesimama hapo nje ya ofisi, "Marie, mpeleke abiria huyu mjini", Hii kampuni ya STK madereva wake wa teksi asilimia sitini na tano ni wanawake.
"Hapana, mimi nataka gari ya kuendesha mwenyewe (Salf drive) Willy alieleza.
"Vile vile hamna taabu", yule msichana alimjibu kisha akaendelea, "Unayo leseni ya udereva?".
"Ndiyo", alijibu Willy huku akitoa leseni yake ya kimataifa ya udereva na kumpa yule msichana. Yule msichana aliangalia leseni kisha akamwangalia Willy halafu akasema. "Bosi, masharti ni kwamba itakubidi utoe amana ya Zaire mia mbili, na malipo mengine utayafanya siku utakaporudisha gari, kwani unategemea kukaa nayo muda gani?".
"Huenda kiasi cha wiki moja au mbili".
"Vizuri, kwa sasa lipa pesa hizo na jaza fomu hii", akampa fomu. "Hebu nipe pasipoti", Willy alimpa pasipoti yake huku akiendelea kujaza fomu ya kukodi gari. Alipomaliza akamuuliza, naweza kulipa katika dola".
"Unaweza, nitakupa risti".
Walipomaliza taratibu zote yule msicha alichukua ufunguo wa gari na kumpeleka Willy kwenye gari moja kati ya yale yaliyokuwa yameegeshwa karibu na ofisi ile.
"Nimekuchagulia gari nzuri sanana mpya aina ya Marcedes Benz, ina 'redio-cassette' ndani yake, kwa hiyo naamini itakufaa sana, hasa kwa mfanyabiashara kama wewe. Na ukipata matatizo yoyote tafadhali nijulishe, kadi yangu ya kazi hii hapa", alimpa hiyo kadi Willy akaiangalia, ilikuwa na jina la msichana huyu ambaye jina lake aliitwa Ntumba Akanda. Vile vile kulikuwa na namba za simu yake ya nyumbani pamoja na ya kazini.
"Asante sana Ntumba, nikipata shida yoyote nitakujulisha",
"Hata kama utakosa mahala pa kulala karibuni nyumbani", alitania huku akicheka.
"Lo, afadhali nikose nafasi, ili nikaribishwe kwako," alijibu Willy naye kimatani.
"Bila wasiwasi, haya kwaheri".
"Asante sana bibie tutaonana", wakaagana.
"Kutoka uwanja wa ndege wa Ndjjili hadi mjini Kinshasa ni umbali wa kilomita 30. Hivi, Willy aliwasha gari moto kuondoka kuelekea mjini. Kwa hivo alikata gari lake kulia na kuingia ndani ya barabara ya Patrice Emery Lumumba barabara kubwa itokayo uwanja wa ndege akielekea mjini.
SEHEMU YA NNE
"WP'
II
Wakati huo Willy akielekea mjini kutoka uwanja wa ndege katika nyumba ya Mzungu mmoja iliyoko mtaa wa Gitronir sehemu ya kuishi ya Limete kulikuwa na watu wanne wakiwa na fikra ya jambo hilo hilo ambalo alikuwa akilifikiria Willy lakini kwa hali tofauti.
Kati ya watu hawa wawili walikuwa Wazungu, mmoja Muasia na mmoja Mwafrika. Watu hawa ambao saa sita hizi za mchana walikuwa wamekusanyika kwa kikao cha dharura, walikuwa ni viongozi wa kikosi cha siri kilichokuwa kikijulikana kama "WP" kirefu cha 'White Power' yaani 'Nguvu ya Mweupe' ambacho kilikuwa ni kikosi kilichoundwa na Shirika la ujasusi la Afrika Kusini liitwalo 'Boss' kwa madhumuni ya kuwapiga vita wanamapinduzi na wapenda maendeleo wa Afrika. Kikundi hiki kilikuwa kimeundwa kwa ujuzi wa kijasusi wa hali ya juu kiasi kwamba mbali na 'Boss' hakuna shirika lingine la ujasusi pamoja na Idara zote za upelelezi na polisi duniani ambazo zilijua kuwepo kwa kikundi hiki. Kikundi hiki kilifanya shughuli zake makao yake makuu yakiwa mjini Kinshasa na kikiongozwa na Pierre Simonard ambaye ndiye alikuwa mwenye nyumba hii ambamo mchana huu alikuwa akikutana na wasaidizi wake hawa watatu.
Pierre Simonard alikuwa mtu mwenye umri wa miaka 52, mjini Kinshasa alijulikana kama Mbelgiji na alifahamika kwa watu wengi sana maana alikuwa na gereji ya magari ambayo ilitokea kupendwa sana na watu wa hali ya juu kutokana na utengenezaji wake mzuri wa magari. Gereji yake hii ambayo ilikuwa barabara ya tisa (9) sehemu ya Limete ilikuwa ikiitwa Garage Du Peuple!. Kutokana na hali hii ilikuwa vigumu kumfikiria Pierre kwa shughuli zinginezo mbaya. Jina lake la kweli aliitwa Peter Simon na alikuwa ofisa wa juu katika 'Boss'. Kabla ya kutumwa Kinshasa kuongoza 'WP' alikuwa kiongozi wa idara ya mateso na mauaji ya 'Boss'. Hii inaonyesha waziwazi Pierre alikuwa jasusi katili wa hali ya juu, na kuchaguliwa kwake kuja kuongoza kikundi hiki kulitokana na uongozi wake wa kikatili katika idara hii.
Pierre aliingia mjini Kinshasa mnamo mwaka kama mfanyabiashara wa Kibelgiji. Kusema kwelie Pierre hakuweza kutambulika kuwa si Mbelgiji kwa sababu hati zake zote za kusafiria zilionyesha kuwa yeye ni Mbelgiji kwa kila hali. Hati zake zilionyesha kuwa yeye alikuwa ni mhandisi wa magari na hivi aliomba leseni ya funguo gereji alipewa bila matatizo. Kwani jila lake lilipopelekwa Brussels kwa uchunguzi na idara ya uhamiaji ya Zaire majibu yaliyorudi yalionyesha kweli kuwa kulikuwa na Pierre Simonard ambaye alikuwa mhandisi na mzaliwa wa Ubelgiji. Hivyo mwishoni mwa mwaka 1968 Pierre alianzisha 'Garage Du Peuple huku akiendelea na harakati zake za kuunda 'WP' huku akisaidiwa na wateja wake. Baada ya kuwa amejiweka katika hali ya usalama mwaka 1969 ndipo 'WP' hasa iliundwa.
Mwanzoni mwa mwaka huu wa 1969 Jean Vergeance aliingia nchini Zaire naye akitokea Brussels Ubelgiji. Jean naye kama Pierre alikuwa jasusi wa hali ya juu katika 'Boss'. Baada ya Pierre kutoa taarifa kwa wateja wake kuwa mambo yalikuwa yakienda sawasawa na hakukuwa na wasiwasi, ndipo 'Boss' walipomtuma Jean Vergeance ambaye hasa jina lake ni John George mwenye umri wa miaka 36 kwenda Kinshasa. Jean alipoingia Kinshasa aliingia kama mtaalam na kuajiriwa na kampuni ya Fiat kama mtaalamu. Naye baada ya miezi sita alikwisha jijenga kwa wakubwa aliacha kazi hii na kuanzisha gereji yake binafsi ijulikanayo kwa jina ya 'Garage Auto Diesel' au kwa kifupi GAD ambayo iko sehemu ya Gombe barabara ya T.S.F, wakati wote huo walikuwa wakionana na Piere kwa siri, na hakuna mtu hata mmoja aliyekuwa akijua kama watu wawili hawa wanafahamiana ila tu kwa vile wote wawili walikuwa na gereji. Na huku kuwa na shughuli hii ndiyo ilikuwa mbinu ya Pierre katika mfumo wa kuunda 'WP'.
Katikati ya mwaka huu 1968, Mpakistan mmoja aitwaye Papadimitriou kwa kifupi akijulikana kama Papa aliomba leseni ya kufungua gereji sehemu za Lingwala. Mpakisitan huyu ambaye alikuwa ameingia Zaire kutoka Zambia kama mfanyabiashara wa duka kubwa sana la madawa. Lakini baada ya kukaa na kuanza kujulikana, naye katikati ya mwaka 1969 aliomba leseni ya gereji na bila matatizo akafanikiwa. Mpakistan huyu vilevile alikuwa ni jasusi wa shirika hili la ujasusi 'Boss', Yeye kweli alikuwa Mpakisitan aliyekulia mjini Johannesburg ambako alikuwa akifanya shughuli za biashara. Na wakati wakikaa Johanneburg ndipo 'Boss' ilipomchagua na kumfanya mmoja wa majasusi wake latika nchi za nje. Na baada ya mafunzo ya hali ya juu katika ujasusi Papa alijulikana ndani ya 'Boss' kama 'Executioner'yaani muuaji kwa kutokana na uwezo wake wa kuweza kumwinda mtu hata kama analindwa kiasi gani, na kumuua. Hivi 'Boss' alionelea vizuri kumtumia Papa katika 'WP' na mnamo mwisho wa 1968 wakamfanyia mpango wa kumwamru aende Kinshasa Zaire ambako angasubiri maelezo. Naye katika ya 1969 alipata amri aripoti kwa Pierre kwa siri na afuate maagizo yake. Na kwa kutokana na maagizo ya Pierre, Papa ilimbidi kuuza shughuli zake za duka la madawa na kuanzisha gereji iliyoitwa 'Garage Papadimitriou' ambayo iki barabara ya Kabambare sehemu za Lingwala.
Mwisho wa mwaka 1969 kijana mmoja ambaye kwa wakati huo alikuwa akiitwa Muteba Andre ambaye kwa sasa anaitwa Muteba Kalonzo aliingia mjini Kinshasa akitokea jimbo la shaba. Kijana huyo mwenye umri wa miaka 32 aliingia Kinshasa na pesa nyingi kutoka jimbo la Shaba, na kuomba leseni ya kuendesha biashara ya magari ya kukodisha, Akiwa mzalendo haikuwa taabu kwake kupata leseni hii, hivyo baada ya kupata leseni hiyo alinunua magari ishirini ya aina ya Fiat 124 na kuyafanya teksi. Kwa sababu vijana wengi mjini Kinshasa wana uwezo wa kufanya hivi, jambo hili halikumshangaza mtu yeyote hasa akiongezea kuwa kijana huyu alikuwa akitokea jimbo la Shaba. Mwanzoni mwa mwaka 1970 Muteba aliomba leseni ya kufungua gereji kwa sababu aliyoitoa ya kwamba kwa vile ana magari mengi yake binafsi ingekuwa vizuri kuwa na gereji yake ambayo ingeweza kuhudumia magari yake na vile vile magari ya watu wengine. Sababu hii ilitosheleza sana kwa hiyo alipewa leseni ya gereji na kufungua gereji moja iitwayo ' Garage Baninga' katika sehemu ya Kintambo barabara ya Bangala. Ukweli ni kwamba Muteba naye alikuwa ameajiriwa na 'Boss' kama muuaji wao. Uhusiano wake na makaburu ulianza wakati bado akiwa na umri wa miaka 18, wakati kijana huyo alipokuwa akipigana na majeshi ya kukodishwa ya Tshombe huko Katanga. Muteba alionekana kijana jasiri sana katika mapigano haya, kwa hiyo wakati askari wa kukodishwa walipokuwa wakiondoka Katanga walimuomba afuatane nao. Na kwa sababu wakati huo Muteba alikuwa bado mdogo na mwenye uchu wa kuona ulimwengu ulivyo alikubali na kuondoka nao. Kwa bahati nziri au mbaya askari aliyetokea kumpenda sana alikuwa kaburu, hivyo alisafiri naye kuelekea Afrika Kusini. Na wakati akiwa na askari huyo ndipo 'Boss' alimgundua na kumuona kuwa yu kijana mwenye akili nyingi za kuzaliwa na wangeweza kumtumia kwa mambo yao maovu kama wangeweza kumpatia ujuzi zaidi katika mambo ya ujasusi. Hivi Muteba alikuwa amefanya maovu mengi katika Afrika kwa niaba ya makaburu. Kwa hiyo wakati mipango ya kuunda 'WP' inaendelea, ilionekana jambo muhimu kumshirikisha. Hivyo Muteba ambaye alikuwa Tanzania kwa wakati huo aliamriwa kwenda Kinshasa na kuripoti kwa siri kwa pierre ili aweze kupata maelekezo zaidi.
Hivi ndivyo viongozi wa 'WP' walivyoingia mjini Kinshasa mmoja mmoja na hatmaye kukamilika na kuunda kikosi cha 'WP' ambacho tokea wakati huo kimeweza kufanya madhara ambayo hayatasahaurika kwa wanamapinduzi wa Afrika na kwa watu wenye fikra za kimaendeleo kote Ulimwenguni.
Wakati huu Pierre, Jean, Papa na Muteba wakiwa wamekaa kwenye mkutano wa dharura ndani ya nyumba ya Pierre, 'WP' ilikuwa imekomaa sana na ilikuwa na matawi katika nchi zote za kimapinduzi.
Kikosi hiki kilikuwa na watu wengi sana na chenye uwezo wa kufanya madhara yasiyo kifani. Kama nilivyokwisha kusema Kinshasa ndipo palikuwa makao makuu, na magereji haya manne ndiyo yalikuwa makambi na viwanja vya mafunzo kwa wapinga mapinduzi hawa ambao tayari walikuwa wameweza kuwaua wapigania uhuru wenye sifa za juu sana.
"Jamani karibuni," Pierre aliwakaribisha wageni wake, huku akiwawekea kinywaji cha 'Whiski' ndani ya bilauli zao.
"Asante," walimjibu kwa pamoja. Alipokwisha kuwapa kinywaji alijiwekea na yeye halafu akaa chini tayari kwa mazungumzo.
"Nimewaiteni hapa ghafla kwa sababu nimepata habari ambazo nisingeweza kukaa nazo hata kwa muda wa saa moja. Nadhani mmeshangaa sana mimi kuwaiteni wakati majuzi tu ndipo tumeweza kufanya tukio la maana kiasi kwamba Ulimwengu wote unapiga kelele, huku tukiwa tumewapa pigo kubwa makafiri hawa ambao itawachukua muda kupona pigo hili. Naelewa waziwazi kuwa ni amri yetu kuwa kuwa baada ya tukio kama hili tusionane mpaka hapo mambo yanakapokuwa yamepoa lakini kwa sababu ya umuhimu wa mambo niliyoyapata imenibidi nichukue jukumu hili la kuitisha mkutano huu. Nafikiri tumeelewana."
"Tumeelewa". walijibu tena kwa pamoja huku wakiwa na shauku la kusikia jambo hili muhimu.
"Nimepata habari kutoka 'Boss' muda wa saa moja iliyopita. Habari hii imeeleza kuwa, 'Boss' imepata habari kutokana na Shirika la Ujasusi la Marekani 'CIA' kuwa juzi Mawaziri wa Ulinzi na Wakurugenzi wao wa Upelelezi wa nchi saba zilizo wanakamati wa kamati ndogo ya usalama ya Kamati Kuu ya Ukombozi ya Nchi Huru za Kiafrika, wameingia Lusaka kisiri. Jambo hili si la kawaida maana kwa mara ya kwanza wanakamati hawa wameandamana na wakurigenzi wao wa upelelezi na safari yao ilikuwa ya kisiri. Hivi ni bayana kuwa wamewasili Lusaka kuzungumzia tukio hili la majuzi. Hivyo 'Boss' imetujulisha jambo hili kusudi tuwe katika hali ya tahadhali. Bado hawajajua ni uamzi gani umefikiwa bali tu wamepata habari kuwa walifanya vikao viwili, lakini bado hawajaona kitu chochote kinachoweza kuonyesha ni uamzi gani wamefikia. Hivyo 'Boss' pamoja na 'CIA' ziko macho kuangalia hatua gani itafuata. Kwa hivi si..." kengere ya simu ilimkata kauli, "Samahani," aliinuka na kwenda kuzungumza kwenye simu. "Hello Pierre hapa,"
"Aha Patron," sauti ilijibu. Mara sura ya Pierre ilibadilika na kuwa nzito.
"Nakupata endelea," alijibu.
"Nimepata habari, spea zimeondoka Lusaka," alielezwa kutoka upande mwingine wa simu.
"Zote?".
"Ziendazo Tanzania nusu zimeondoka nusu zimebaki."
"Ina maana zimekoswa usafiri".
"Haijajulikana bado, lakini tutapata habari karibuni. Ni hivyo tu. zilizobaki ni zile chache".
"Habari zingine hizo", aliwaeleza wenzake, "Hawa wanakamati wote wameishaondoka Lusaka kuelekea makwao isipokuwa mkurugenzi wa upelelezi wa Tanzania ndiye amebaki. Tutapata habari zaidi kwanini amebaki baadae,"
"Hakuna mpelelezi yeyote aliyeingia Lusaka kutoka nchi huru za Kiafrika?" aliuliza Papa.
"Jambo hili nimeulizia lakini mpaka leo asubuhi hakuna hata mmoja kwa wale wanaojulikana aliyeonekana kuingia Zambia," alijibu Pierre.
"Ni lazima ijulikane upesi kwanini mkurugenzi wa upelelezi wa Tanzania amebaki. Kwa kutokana na rekodi zilizopo 'Boss' pamoja na utafiti wangu nilioufanya wakati nikiwa Tanzania, Mkurugenzi huyu ni mshauri sana katika kazi yake, si mtu wa kumrahisisha", alieleza Muteba.
"Sawa kabisa", Pierre alisema, "Nitatuma habari wapate kushughulikia jambo hili kikamilifu. Vile vile inatubidi na sisi tuwe macho, kwa hivi lazima kwa wakati huu tuchukue jukumu lote la usalama wa 'WP' sisi wenyewe. Mpaka hapo tutakapoona vingine kuhusu amri zote juu ya tukio hili tunazitoa wenyewe na habari zozote lazima zitufikie sisi wenyewe moja kwa moja, kama mmoja wenu akipata habari zozote kuhusu tukio hili hata likiwa dogo kiasi gani lazima aniletee ripoti, maana 'Boss' inafikiria huenda 'OAU' ikaamua kulipiza kisasi jambo hili, kwa sasa hivi nchi huru za Kiafrika zemeanza kufikia maendeleo makubwa katika mambo mbalimbali hivi hatuwezi kuwapuuza," aliwaeleza Pierre.
"Kuna jambo moja ilitubidi tuwe tumelifanya, kuwa na mtu wa kuchunga uwanja wa ndege, kuona kama kuna mtu yeyote ambaye kuingia kwake Kinshasa kunatia wasiwasi," Jean alitoa oni.
"Sawa kabisa Jean, nilikuwa naelekea huko. Itabidi Jean usimamie kikundi chako ambacho kitaangalia usalama kwa ujumla, itabidi sehemu zote muhimu kama uwanja wa ndege na mahoteli yashughulikiwe kikamilifu. Vilevile itabidi utume mtu kwenye mazishi ambayo yameahilishwa mpaka kesho asubuhi ambapo huenda akapata fununu yoyote."
"Hamna taabu, mambo yote juu ya usalama nitayashughulikia pale patakapohitaji msaada nitawajulisheni," alijibu Jean kwa sauti ya uthabiti.
"Itabidi tusionanenane isipokuwa tu kwa lazima sana kama hivi. Kama kuna maelezo yoyote tunaweza kuwatumia vijana wetu kama kawaida", alisema Pierre.
"Ok Patron, sisi tutajiweka katika hali ya tahadhali, lakini sidhani kuna kitu chochote, 'WP' imejificha kiasi ambacho hakuna idara ya upelelezi Afrika inaweza kugundua. Sidhani vilevile kuwa wanaweza kuwekea mashaka Kinshasa, saana wakaiomba Serikali ya Zaire kufanya upelelezi wa kinaganaga jambo ambalo Zaire haiwezi kufika popote Zaidi ya hapo sidhani kuna haja ya kuhangaika sana. Lakini hata hivyo hatutaacha njia yoyote wazi ikiwa 'OAU' itaamua kufanya matata," alizungumza Papa.
"Kiusalama ni vizuri kuzuia kuliko kuponya", alijibu Jean ambaye alikuwa amesomea sana mambo ya usalama katika shule za kijasusi za 'Boss'.
"Nakubaliana kabisa nanyi nyote, hivi hatuna budi kuwa na usalama wa hali ya juu. Inawezekana kifo hiki cha Mongo kimewapiga vibaya sana. Lakini hata wakiamua kufanya utafiti 'OAU' wenyewe sidhani watafika popote. Sidhani 'OAU' kiupelelezi inao uwezo wa kuingilia 'Boss' kabla 'Boss' haijaweza kuwasaga wapelelezi wake wote", alijigamba Pierre.
"Ni kama Papa kupigana ngumi na Mohammed Ali", alitania Muteba huku wote wakiangua kicheko.
"Oke jamani, kawawekeni watu wenu katika tahadhali, tukingojea nini kitatokea. Mambo mengine yanaendelea kama kawaida. Mimi nitajaribu kukusanya habari nyingi iwezenavyo, nyinyi tumieni majina yenu mazuri kupata habari, maana huenda kwa mara ya kwanza tukapata upinzani toka 'OAU' kutokana na tukio hili la juzi," aliendelea kuasa Pierre.
"Patron, mbona unakuwa kama mtu mwenye wasiwasi. Usiwe na wasiwasi sisi tuko macho hakuna kitu kinachoweza kuingia 'WP' ambapo sasa ndipo iko imara kama chuma cha pua," Papa alimhakikishia Pierre. Pierre aliagana na wageni hawa maarufu ambao waliingia ndani ya magari yao na kwenda zao, bila kujua kuwa Willy Gamba mpelelezi mashuhuri katika Afrika alikuwa ameingia mjini Kinshasa saa hizo hizo tayari kutafuta chanzo cha tukio hili.
"WP'
II
Wakati huo Willy akielekea mjini kutoka uwanja wa ndege katika nyumba ya Mzungu mmoja iliyoko mtaa wa Gitronir sehemu ya kuishi ya Limete kulikuwa na watu wanne wakiwa na fikra ya jambo hilo hilo ambalo alikuwa akilifikiria Willy lakini kwa hali tofauti.
Kati ya watu hawa wawili walikuwa Wazungu, mmoja Muasia na mmoja Mwafrika. Watu hawa ambao saa sita hizi za mchana walikuwa wamekusanyika kwa kikao cha dharura, walikuwa ni viongozi wa kikosi cha siri kilichokuwa kikijulikana kama "WP" kirefu cha 'White Power' yaani 'Nguvu ya Mweupe' ambacho kilikuwa ni kikosi kilichoundwa na Shirika la ujasusi la Afrika Kusini liitwalo 'Boss' kwa madhumuni ya kuwapiga vita wanamapinduzi na wapenda maendeleo wa Afrika. Kikundi hiki kilikuwa kimeundwa kwa ujuzi wa kijasusi wa hali ya juu kiasi kwamba mbali na 'Boss' hakuna shirika lingine la ujasusi pamoja na Idara zote za upelelezi na polisi duniani ambazo zilijua kuwepo kwa kikundi hiki. Kikundi hiki kilifanya shughuli zake makao yake makuu yakiwa mjini Kinshasa na kikiongozwa na Pierre Simonard ambaye ndiye alikuwa mwenye nyumba hii ambamo mchana huu alikuwa akikutana na wasaidizi wake hawa watatu.
Pierre Simonard alikuwa mtu mwenye umri wa miaka 52, mjini Kinshasa alijulikana kama Mbelgiji na alifahamika kwa watu wengi sana maana alikuwa na gereji ya magari ambayo ilitokea kupendwa sana na watu wa hali ya juu kutokana na utengenezaji wake mzuri wa magari. Gereji yake hii ambayo ilikuwa barabara ya tisa (9) sehemu ya Limete ilikuwa ikiitwa Garage Du Peuple!. Kutokana na hali hii ilikuwa vigumu kumfikiria Pierre kwa shughuli zinginezo mbaya. Jina lake la kweli aliitwa Peter Simon na alikuwa ofisa wa juu katika 'Boss'. Kabla ya kutumwa Kinshasa kuongoza 'WP' alikuwa kiongozi wa idara ya mateso na mauaji ya 'Boss'. Hii inaonyesha waziwazi Pierre alikuwa jasusi katili wa hali ya juu, na kuchaguliwa kwake kuja kuongoza kikundi hiki kulitokana na uongozi wake wa kikatili katika idara hii.
Pierre aliingia mjini Kinshasa mnamo mwaka kama mfanyabiashara wa Kibelgiji. Kusema kwelie Pierre hakuweza kutambulika kuwa si Mbelgiji kwa sababu hati zake zote za kusafiria zilionyesha kuwa yeye ni Mbelgiji kwa kila hali. Hati zake zilionyesha kuwa yeye alikuwa ni mhandisi wa magari na hivi aliomba leseni ya funguo gereji alipewa bila matatizo. Kwani jila lake lilipopelekwa Brussels kwa uchunguzi na idara ya uhamiaji ya Zaire majibu yaliyorudi yalionyesha kweli kuwa kulikuwa na Pierre Simonard ambaye alikuwa mhandisi na mzaliwa wa Ubelgiji. Hivyo mwishoni mwa mwaka 1968 Pierre alianzisha 'Garage Du Peuple huku akiendelea na harakati zake za kuunda 'WP' huku akisaidiwa na wateja wake. Baada ya kuwa amejiweka katika hali ya usalama mwaka 1969 ndipo 'WP' hasa iliundwa.
Mwanzoni mwa mwaka huu wa 1969 Jean Vergeance aliingia nchini Zaire naye akitokea Brussels Ubelgiji. Jean naye kama Pierre alikuwa jasusi wa hali ya juu katika 'Boss'. Baada ya Pierre kutoa taarifa kwa wateja wake kuwa mambo yalikuwa yakienda sawasawa na hakukuwa na wasiwasi, ndipo 'Boss' walipomtuma Jean Vergeance ambaye hasa jina lake ni John George mwenye umri wa miaka 36 kwenda Kinshasa. Jean alipoingia Kinshasa aliingia kama mtaalam na kuajiriwa na kampuni ya Fiat kama mtaalamu. Naye baada ya miezi sita alikwisha jijenga kwa wakubwa aliacha kazi hii na kuanzisha gereji yake binafsi ijulikanayo kwa jina ya 'Garage Auto Diesel' au kwa kifupi GAD ambayo iko sehemu ya Gombe barabara ya T.S.F, wakati wote huo walikuwa wakionana na Piere kwa siri, na hakuna mtu hata mmoja aliyekuwa akijua kama watu wawili hawa wanafahamiana ila tu kwa vile wote wawili walikuwa na gereji. Na huku kuwa na shughuli hii ndiyo ilikuwa mbinu ya Pierre katika mfumo wa kuunda 'WP'.
Katikati ya mwaka huu 1968, Mpakistan mmoja aitwaye Papadimitriou kwa kifupi akijulikana kama Papa aliomba leseni ya kufungua gereji sehemu za Lingwala. Mpakisitan huyu ambaye alikuwa ameingia Zaire kutoka Zambia kama mfanyabiashara wa duka kubwa sana la madawa. Lakini baada ya kukaa na kuanza kujulikana, naye katikati ya mwaka 1969 aliomba leseni ya gereji na bila matatizo akafanikiwa. Mpakistan huyu vilevile alikuwa ni jasusi wa shirika hili la ujasusi 'Boss', Yeye kweli alikuwa Mpakisitan aliyekulia mjini Johannesburg ambako alikuwa akifanya shughuli za biashara. Na wakati wakikaa Johanneburg ndipo 'Boss' ilipomchagua na kumfanya mmoja wa majasusi wake latika nchi za nje. Na baada ya mafunzo ya hali ya juu katika ujasusi Papa alijulikana ndani ya 'Boss' kama 'Executioner'yaani muuaji kwa kutokana na uwezo wake wa kuweza kumwinda mtu hata kama analindwa kiasi gani, na kumuua. Hivi 'Boss' alionelea vizuri kumtumia Papa katika 'WP' na mnamo mwisho wa 1968 wakamfanyia mpango wa kumwamru aende Kinshasa Zaire ambako angasubiri maelezo. Naye katika ya 1969 alipata amri aripoti kwa Pierre kwa siri na afuate maagizo yake. Na kwa kutokana na maagizo ya Pierre, Papa ilimbidi kuuza shughuli zake za duka la madawa na kuanzisha gereji iliyoitwa 'Garage Papadimitriou' ambayo iki barabara ya Kabambare sehemu za Lingwala.
Mwisho wa mwaka 1969 kijana mmoja ambaye kwa wakati huo alikuwa akiitwa Muteba Andre ambaye kwa sasa anaitwa Muteba Kalonzo aliingia mjini Kinshasa akitokea jimbo la shaba. Kijana huyo mwenye umri wa miaka 32 aliingia Kinshasa na pesa nyingi kutoka jimbo la Shaba, na kuomba leseni ya kuendesha biashara ya magari ya kukodisha, Akiwa mzalendo haikuwa taabu kwake kupata leseni hii, hivyo baada ya kupata leseni hiyo alinunua magari ishirini ya aina ya Fiat 124 na kuyafanya teksi. Kwa sababu vijana wengi mjini Kinshasa wana uwezo wa kufanya hivi, jambo hili halikumshangaza mtu yeyote hasa akiongezea kuwa kijana huyu alikuwa akitokea jimbo la Shaba. Mwanzoni mwa mwaka 1970 Muteba aliomba leseni ya kufungua gereji kwa sababu aliyoitoa ya kwamba kwa vile ana magari mengi yake binafsi ingekuwa vizuri kuwa na gereji yake ambayo ingeweza kuhudumia magari yake na vile vile magari ya watu wengine. Sababu hii ilitosheleza sana kwa hiyo alipewa leseni ya gereji na kufungua gereji moja iitwayo ' Garage Baninga' katika sehemu ya Kintambo barabara ya Bangala. Ukweli ni kwamba Muteba naye alikuwa ameajiriwa na 'Boss' kama muuaji wao. Uhusiano wake na makaburu ulianza wakati bado akiwa na umri wa miaka 18, wakati kijana huyo alipokuwa akipigana na majeshi ya kukodishwa ya Tshombe huko Katanga. Muteba alionekana kijana jasiri sana katika mapigano haya, kwa hiyo wakati askari wa kukodishwa walipokuwa wakiondoka Katanga walimuomba afuatane nao. Na kwa sababu wakati huo Muteba alikuwa bado mdogo na mwenye uchu wa kuona ulimwengu ulivyo alikubali na kuondoka nao. Kwa bahati nziri au mbaya askari aliyetokea kumpenda sana alikuwa kaburu, hivyo alisafiri naye kuelekea Afrika Kusini. Na wakati akiwa na askari huyo ndipo 'Boss' alimgundua na kumuona kuwa yu kijana mwenye akili nyingi za kuzaliwa na wangeweza kumtumia kwa mambo yao maovu kama wangeweza kumpatia ujuzi zaidi katika mambo ya ujasusi. Hivi Muteba alikuwa amefanya maovu mengi katika Afrika kwa niaba ya makaburu. Kwa hiyo wakati mipango ya kuunda 'WP' inaendelea, ilionekana jambo muhimu kumshirikisha. Hivyo Muteba ambaye alikuwa Tanzania kwa wakati huo aliamriwa kwenda Kinshasa na kuripoti kwa siri kwa pierre ili aweze kupata maelekezo zaidi.
Hivi ndivyo viongozi wa 'WP' walivyoingia mjini Kinshasa mmoja mmoja na hatmaye kukamilika na kuunda kikosi cha 'WP' ambacho tokea wakati huo kimeweza kufanya madhara ambayo hayatasahaurika kwa wanamapinduzi wa Afrika na kwa watu wenye fikra za kimaendeleo kote Ulimwenguni.
Wakati huu Pierre, Jean, Papa na Muteba wakiwa wamekaa kwenye mkutano wa dharura ndani ya nyumba ya Pierre, 'WP' ilikuwa imekomaa sana na ilikuwa na matawi katika nchi zote za kimapinduzi.
Kikosi hiki kilikuwa na watu wengi sana na chenye uwezo wa kufanya madhara yasiyo kifani. Kama nilivyokwisha kusema Kinshasa ndipo palikuwa makao makuu, na magereji haya manne ndiyo yalikuwa makambi na viwanja vya mafunzo kwa wapinga mapinduzi hawa ambao tayari walikuwa wameweza kuwaua wapigania uhuru wenye sifa za juu sana.
"Jamani karibuni," Pierre aliwakaribisha wageni wake, huku akiwawekea kinywaji cha 'Whiski' ndani ya bilauli zao.
"Asante," walimjibu kwa pamoja. Alipokwisha kuwapa kinywaji alijiwekea na yeye halafu akaa chini tayari kwa mazungumzo.
"Nimewaiteni hapa ghafla kwa sababu nimepata habari ambazo nisingeweza kukaa nazo hata kwa muda wa saa moja. Nadhani mmeshangaa sana mimi kuwaiteni wakati majuzi tu ndipo tumeweza kufanya tukio la maana kiasi kwamba Ulimwengu wote unapiga kelele, huku tukiwa tumewapa pigo kubwa makafiri hawa ambao itawachukua muda kupona pigo hili. Naelewa waziwazi kuwa ni amri yetu kuwa kuwa baada ya tukio kama hili tusionane mpaka hapo mambo yanakapokuwa yamepoa lakini kwa sababu ya umuhimu wa mambo niliyoyapata imenibidi nichukue jukumu hili la kuitisha mkutano huu. Nafikiri tumeelewana."
"Tumeelewa". walijibu tena kwa pamoja huku wakiwa na shauku la kusikia jambo hili muhimu.
"Nimepata habari kutoka 'Boss' muda wa saa moja iliyopita. Habari hii imeeleza kuwa, 'Boss' imepata habari kutokana na Shirika la Ujasusi la Marekani 'CIA' kuwa juzi Mawaziri wa Ulinzi na Wakurugenzi wao wa Upelelezi wa nchi saba zilizo wanakamati wa kamati ndogo ya usalama ya Kamati Kuu ya Ukombozi ya Nchi Huru za Kiafrika, wameingia Lusaka kisiri. Jambo hili si la kawaida maana kwa mara ya kwanza wanakamati hawa wameandamana na wakurigenzi wao wa upelelezi na safari yao ilikuwa ya kisiri. Hivi ni bayana kuwa wamewasili Lusaka kuzungumzia tukio hili la majuzi. Hivyo 'Boss' imetujulisha jambo hili kusudi tuwe katika hali ya tahadhali. Bado hawajajua ni uamzi gani umefikiwa bali tu wamepata habari kuwa walifanya vikao viwili, lakini bado hawajaona kitu chochote kinachoweza kuonyesha ni uamzi gani wamefikia. Hivyo 'Boss' pamoja na 'CIA' ziko macho kuangalia hatua gani itafuata. Kwa hivi si..." kengere ya simu ilimkata kauli, "Samahani," aliinuka na kwenda kuzungumza kwenye simu. "Hello Pierre hapa,"
"Aha Patron," sauti ilijibu. Mara sura ya Pierre ilibadilika na kuwa nzito.
"Nakupata endelea," alijibu.
"Nimepata habari, spea zimeondoka Lusaka," alielezwa kutoka upande mwingine wa simu.
"Zote?".
"Ziendazo Tanzania nusu zimeondoka nusu zimebaki."
"Ina maana zimekoswa usafiri".
"Haijajulikana bado, lakini tutapata habari karibuni. Ni hivyo tu. zilizobaki ni zile chache".
"Habari zingine hizo", aliwaeleza wenzake, "Hawa wanakamati wote wameishaondoka Lusaka kuelekea makwao isipokuwa mkurugenzi wa upelelezi wa Tanzania ndiye amebaki. Tutapata habari zaidi kwanini amebaki baadae,"
"Hakuna mpelelezi yeyote aliyeingia Lusaka kutoka nchi huru za Kiafrika?" aliuliza Papa.
"Jambo hili nimeulizia lakini mpaka leo asubuhi hakuna hata mmoja kwa wale wanaojulikana aliyeonekana kuingia Zambia," alijibu Pierre.
"Ni lazima ijulikane upesi kwanini mkurugenzi wa upelelezi wa Tanzania amebaki. Kwa kutokana na rekodi zilizopo 'Boss' pamoja na utafiti wangu nilioufanya wakati nikiwa Tanzania, Mkurugenzi huyu ni mshauri sana katika kazi yake, si mtu wa kumrahisisha", alieleza Muteba.
"Sawa kabisa", Pierre alisema, "Nitatuma habari wapate kushughulikia jambo hili kikamilifu. Vile vile inatubidi na sisi tuwe macho, kwa hivi lazima kwa wakati huu tuchukue jukumu lote la usalama wa 'WP' sisi wenyewe. Mpaka hapo tutakapoona vingine kuhusu amri zote juu ya tukio hili tunazitoa wenyewe na habari zozote lazima zitufikie sisi wenyewe moja kwa moja, kama mmoja wenu akipata habari zozote kuhusu tukio hili hata likiwa dogo kiasi gani lazima aniletee ripoti, maana 'Boss' inafikiria huenda 'OAU' ikaamua kulipiza kisasi jambo hili, kwa sasa hivi nchi huru za Kiafrika zemeanza kufikia maendeleo makubwa katika mambo mbalimbali hivi hatuwezi kuwapuuza," aliwaeleza Pierre.
"Kuna jambo moja ilitubidi tuwe tumelifanya, kuwa na mtu wa kuchunga uwanja wa ndege, kuona kama kuna mtu yeyote ambaye kuingia kwake Kinshasa kunatia wasiwasi," Jean alitoa oni.
"Sawa kabisa Jean, nilikuwa naelekea huko. Itabidi Jean usimamie kikundi chako ambacho kitaangalia usalama kwa ujumla, itabidi sehemu zote muhimu kama uwanja wa ndege na mahoteli yashughulikiwe kikamilifu. Vilevile itabidi utume mtu kwenye mazishi ambayo yameahilishwa mpaka kesho asubuhi ambapo huenda akapata fununu yoyote."
"Hamna taabu, mambo yote juu ya usalama nitayashughulikia pale patakapohitaji msaada nitawajulisheni," alijibu Jean kwa sauti ya uthabiti.
"Itabidi tusionanenane isipokuwa tu kwa lazima sana kama hivi. Kama kuna maelezo yoyote tunaweza kuwatumia vijana wetu kama kawaida", alisema Pierre.
"Ok Patron, sisi tutajiweka katika hali ya tahadhali, lakini sidhani kuna kitu chochote, 'WP' imejificha kiasi ambacho hakuna idara ya upelelezi Afrika inaweza kugundua. Sidhani vilevile kuwa wanaweza kuwekea mashaka Kinshasa, saana wakaiomba Serikali ya Zaire kufanya upelelezi wa kinaganaga jambo ambalo Zaire haiwezi kufika popote Zaidi ya hapo sidhani kuna haja ya kuhangaika sana. Lakini hata hivyo hatutaacha njia yoyote wazi ikiwa 'OAU' itaamua kufanya matata," alizungumza Papa.
"Kiusalama ni vizuri kuzuia kuliko kuponya", alijibu Jean ambaye alikuwa amesomea sana mambo ya usalama katika shule za kijasusi za 'Boss'.
"Nakubaliana kabisa nanyi nyote, hivi hatuna budi kuwa na usalama wa hali ya juu. Inawezekana kifo hiki cha Mongo kimewapiga vibaya sana. Lakini hata wakiamua kufanya utafiti 'OAU' wenyewe sidhani watafika popote. Sidhani 'OAU' kiupelelezi inao uwezo wa kuingilia 'Boss' kabla 'Boss' haijaweza kuwasaga wapelelezi wake wote", alijigamba Pierre.
"Ni kama Papa kupigana ngumi na Mohammed Ali", alitania Muteba huku wote wakiangua kicheko.
"Oke jamani, kawawekeni watu wenu katika tahadhali, tukingojea nini kitatokea. Mambo mengine yanaendelea kama kawaida. Mimi nitajaribu kukusanya habari nyingi iwezenavyo, nyinyi tumieni majina yenu mazuri kupata habari, maana huenda kwa mara ya kwanza tukapata upinzani toka 'OAU' kutokana na tukio hili la juzi," aliendelea kuasa Pierre.
"Patron, mbona unakuwa kama mtu mwenye wasiwasi. Usiwe na wasiwasi sisi tuko macho hakuna kitu kinachoweza kuingia 'WP' ambapo sasa ndipo iko imara kama chuma cha pua," Papa alimhakikishia Pierre. Pierre aliagana na wageni hawa maarufu ambao waliingia ndani ya magari yao na kwenda zao, bila kujua kuwa Willy Gamba mpelelezi mashuhuri katika Afrika alikuwa ameingia mjini Kinshasa saa hizo hizo tayari kutafuta chanzo cha tukio hili.
SEHEMU YA NNE
'WP'
III
Willy bila ya kujua kuwa alikuwa ameingia ndani ya mji ambao ndiyo Makao Makuu ya kikundi kiitwacho 'WP' kikundi maalumu cha 'Boss' ambacho kazi yake ilikuwa kuendesha hujuma dhidi ya harakati za Ukombozi wa Kusini mwa Afrika na vile vile kupiga vita harakati zozote zinazofanywa na wanamapinduzi wa Afrika ili kuendeleza fikra za kimaendeleo katika Afrika huru, aliendelea na safari kwenye barabara hii ya Patrice Emery Lumumba akitokea uwanja wa ndege kuelekea mjini. Akiwa kwenye barabara hii Willy mawazo yake yalimfikiria Marehemu Patrice Emery Lumumba, alikuwa amesoma habari za Lumumba na alikuwa mmoja wa wapenzi wake. Hivi moyo wake ulisisimkwa kufikiria kuwa alikuwa akiendesha kwenye barabara hii ambayo ilikuwa imeitwa kama kumbukumbu ya shujaa huyu wa Afrika.Ghafla akiwa amesafiri kama kilomita kumi na tano hivi akiendesha njia panda ya 'Echangeur de Limete' mawazo yake yaliiendea gari moja iliyokuwa nyuma yake ikiwa imehakikisha kuwa inabaki nyuma ya gari lake na huku katikati yao kukiwa na magari mawili au matatu. Willy alikuwa amejenga silika ya namna hii kiasi cha kwamba alikuwa akiweza tu kuhisi kitu bila sababu maalumu. Kwa sababu alikuwa akiiamini sana silika yake, mara mawazo yake yalilitilia mashaka gari hili kuwa huenda linamfuata, alikata shauri kuthibitisha. Hivyo aliendelea na safari yake huku akiliangalia gari hilo ndani ya kioo cha kuendeshea gari. Kila alipopunguza mwendo na mengine kumpita, gari hili lilihakikisha kuwa nalo linapunguza mwendo kubaki pale pale. Na kila alipokuwa anaongeza mwendo nalo linaongeza mwendo. Hivi alihakikisha kuwa gari hili lilikuwa linamfuata. Alipofika kwenye kona ambapo barabara ya P.E Lumumba na barabara ya Bongolo zinapokutana alikata shauri kuingia barabara ya Bongolo ili aweze kulikwepa hili gari aliloamini kuwa lilikuwa linamfuata. Alipoingia barabara ya Bongolo gari hili nalo aliliona baada ya muda mfupi lilikuwa nyuma ya gari lingine likizidi kumfuata. Kisha alikata na kuingia barabara ya L'universete, tena baada ya muda mfupi aliliona gari hilo likiwa nyuma ya gari lingine likiwa bado linamfuata. Jambo hili lilimshangaza sana Willy maana yeyote aliyekuwa akimfuata alikuwa mjuzi sana katika kazi yake. Kitu kilichomshangaza sana ni kuwa alikuwa ameingia Kinshasa hata saa haijamalizika, na wala mjini alikuwa hajafika na tayari alikuwa ameanza kufuatwa.
Hili jambo lilikoroga mawazo yake kiasi kikubwa sana. Kwa mawazo yake alikuwa akitegemea kuwa ingemchukua muda kabla hajaweza kutambulika, lakini hii ilionyesha kuwa tayari usalama wake ulikuwa hatarini tokea dakika hii, aliamua kuweka mawazo yake pamoja na viungo vyake katika tahadhari. Alisogeza mkoba wake na kufungua zipu, akatoa bastola iliyokuwa juu. Kwani baada tu ya kuagana na Ntumba aliendesha gari mbali kidogo na uwanja wa ndege kisha akasimama na kufungua mkoba kwenye sehemu yake ya siri na kutoa bastola moja. Maana katika kazi ya akina Willy ilikuwa vigumu kukaa tu bila kuwa na silaha karibu hasa ugenini kama hapo ambapo alikuwa ameingia tayari kwa mapambano yoyote yale ambayo yangeweza kutokea.
Huku akiwa anaendesha, mkono wake mwingine ulishughulika na kutoa bastola hii ambayo alikuwa ameiweka juu tu. Alipokwisha kufanya hivi aliichomeka bastola yake ndani ya suluali mbele kwenye kitovu na kuendelea na safari yake huku akifikiria amfanyie nini mtu huyu. Vile vile alionelea ni jambo la busara kama naye angeweza kumfahamu mtu huyu ni nani na kwa sababu gani alikuwa akimfuata.
Aliendelea na safari yake akaingia mtaa wa Sendwe kutoka mtaa wa L'universete, alipoangalia bado gari hilo ingawa kwa mbali bado lilikuwa bado likimfuata. Kutoka mtaa wa Sendwe aliingia mtaa wa Funa. Alipoingia mtaa wa Funa vile vile alipunguza mwendo na alipolina hilo gari sasa lilikuwa peke yake linafuata, alikata na kuingia kwenye Stesheni ya Petrol iliyoko mbele ya 'Funa Klabu' halafu akakata shauri kwenda moja kwa moja na kuegesha gari lake katikati ya magari yaliyokuwa yameegeshwa na watu ambao walikuwa wamekuja kuogelea mchana huu katika bwawa la 'Funa Klabu'.
Baada ya kuegesha gari lake, haraka alitelemka huku akiwa ameinama alikimbia kati ya haya magari na kuinuka umbali kidogo toka kwenye gari lake. Alipokuwa akiinuka ndipo lile gari lililokuwa likimfuata lilikuwa linaegeshwa karibu tu na gari lake na ndani ya gari hili mlikuwa na kijana wa umri kama miaka 30 hivi. Alivaa suti ya Abakozi, miwani ya jua na alionekana kijana muungwana kabisa. Alitazama huku na kule kwa mshangao halafu akaliendea gari la Willy na kuliangalia kwa mbali. Kisha akaelekea kwenye bwawa. Willy alipopata nafasi hii, alikimbia mbio tena huku akiwa ameinama katikati ya magari na bila kuonana na watu mpaka karibu na lile gari lililokuwa likimfuata. Gari lenyewe alipochungua ndani yake aliona hamna kitu.
Alipoangalia kule kwenye bwawa alimuona yule kijana anarudi huku akionekana mwenye kuwa na mshangao na wasiwasi. Willy alikata shauri kujificha pembeni ya gari la pili kutoka kwenye gari la huyu kijana, bila kumuona huku akiangalia nambali za gari la Willy kijana huyu alifungua mlango wa gari lake na kuingia ndani ya gari lake tayari kwa kuondoka.
Willy alimnyemelea polepole kwa kutambaa chini na wakati alipokuwa anawasha gari moto, na Willy naye akawa yuko sawa na mlango wa dereva. Huku akiwa na bastola mkono alifungua mlango wa dereva kwa ghafla kuhamaki yule kijana alijikuta akiwa anaangalia ndani ya mtutu wa bastola. "Hapo hapo rafiki yangu usijitingishe hii itakuonyesha kuwa si adamu nzuri kufuatafuata watu," Willy alimwambia kijeuri.
ITAENDELEA
0 Comments
Unapenda kuhabarika? Jiunge nasi Katika Twitter na Facebook ili tuhabarishane.
Kumbuka Kuacha maoni yako hapa pindi usomapo habari zetu. Karibu Tena