FAHAMU | Kelvin Peter Hall | Mtu Mweusi Nyuma ya Kivuli cha Predator

Anaitwa Kevin Peter Hall, au unaweza kumwita ( the predator )
Kwa wale ndugu zangu wenye kumbukumbu na mapenzi ya movie za kimarekani jina PREDATOR litakuwa si geni kwenu maana kazi yake haikuwa ndogo huko katika mabanda ya video ya wakati huo.
Tukianza na utangulizi wa moja wapo ya kazi bora kabisa katika tasnia ya filamu Hollywood....
Kevin Peter Hall akicheza kama predator katika movie ya Predator ya mwaka 1987,na ya mwaka 1990 na kuuvaa uhalisia wa jitu au kiumbe cha ajabu toka anga za mbali, huku akishirikiana na wasanii wengine wakongwe katika tasnia ya uigizaji ya Hollywood, akiwemo gavana mstaafu wa Jimbo la California Mh Anord Alois Schwarzenegger, Bill Duke na wengine wengi.
Anord Schwarzenegger akiwa kama askari wa kukodi wa kiholanzi anaajiliwa na serikali ya umoja wa mataifa ili kuwakomboa kwa siri kundi la wanasiasa waliokwama kwa kutekwa nyara nchini Guatemala.
Lakini wakati uholanzi na timu yake ya makomando ambayo inajumuisha mtaalamu wa silaha anayeitwa Jesse Ventura akiambatana na wakala wa CIA bwana George ( ambaye kwa jina halisi anafahamika kama Carl Weather, mmarekani mweusi mwenye asili ya Afrika) kwenda kuungana na team ya kiholanzi dhidi ya kuwakomboa mateka wa kisiasa katika ardhi ya Guatemala huko Amerika ya kati.
Lakini hali haikuwa kama walivyotegemea na wanakutana na kiumbe kibaya sana na kugundua kuwa wameingia katika mapambano na kiumbe cha ajabu chenye uwezo mkubwa zaidi ya binadamu wa kawaida. Mwishoni tunaona kwa tabu sana Anord anafanikiwa kukiangamiza kiumbe hicho, ambapo kiumbe hicho cha ajabu ni zao la kazi nzuri aliyoifanya Kevin Peter Hall mmarekani mweusi mwenye asili halisi ya bara Afrika akicheza kama PREDATOR katika filamu hiyo.
Kevin Peter Hall alizaliwa may 9, 1955 huko Pittsburgh Pennsylvania, baba yake akiitwa Charles Hall na mama ake akiitwa Sylvia Hall, huku akiwa ni mtoto mmoja wapo kati ya watoto saba katika familia ya Mzee Charles.
Katika maisha yake Kevin hakuwa nyuma kitaaluma na vipawa, kwani kutokana na urefu wake wa futi 7 na zaidi aliweza kujihusisha na mchezo wa mpira wa kikapu na kuchezea timu moja wapo huko nchini Venezuela, pia alisomea Theatrical arts katika chuo kikuu cha George Washington university, pia alijihusisha na muziki na mwisho kuzamia rasmi katika tasnia ya uigizaji na vipindi vya television.
Kevin akiwa kama mmarekani mweusi mwenye asili ya Afrika, katika maisha yake ya sanaa ya uigizaji alifanikiwa kushiriki katika movie nyingi huku akiwa anauvaa huusika wa kutisha tisha na kumfanya kutofahamika sana na watu wengi kutokana na kutokuonekana sana kwa sura yake, hii ilitokana na urefu aliokuwa nao na ukubwa wa mwili wake hivyo alifaa haswaaaa kuuvaa uhusika wa viumbe wakutisha tisha, kama ilivyokuwa katika Predator (tunaiitaga Anord ya jini la msituni) pia kama umewahi kutizama movie ya Highway to hell, Misfit's of science ya mwaka 1985, Prophecy ya mwaka 1979 ambayo nayo pia akicheza kama alien. Pia kati ya mwaka 1982 katika vipindi vya television katika sinema za Mazes na Monsters hapa pia akiwa kama kiumbe wa ajabu, Harry and the Henderson hiki pia kikiwa kipindi cha television ambapo alifanikiwa kukutana na Bi Alaine Reed na kuwa familia moja kama Mme na mke, ambapo Bi Alaine akiwa mkubwa kwa Kevin kwa miaka 9, Bi Alaine alizaliwa mwaka 1946 huko Springfield Ohio na alijishughulisha na muziki pamoja na uigizaji.

Katikati ya mwaka 1991 Kevin alipata ajari mbaya ya gari na kumsababishia majeraha makubwa yaliyosababisha kupungukiwa na kiasi kikubwa cha damu mwilini mwake na hatimaye kutokana na upungufu wa damu mwilini bwana Kevin aliongezewa damu na kwa bahati mbaya damu hiyo ilikuwa na virusi vya ukimwi ndani yake. Kutokana na kukabiliana na maambukizi ya virusi vya ukimwi miezi machache baadae Kevin Peter Hall akafariki Dunia huku akiwa na miaka 35 tu yaani kijana mbichi na akiacha mke na watoto wawili, ambapo kutokana na sheria kuruhusu Miss Alaine ambaye alikuwa mke wake tangia mwaka 1988 hadi hapo mauti yalipomkuta mwaka 1991, aliolewa tena na jamaa alieitwa Tamim Amini mmarekani mwenye asili ya Afghanistan huyu bwana Tamim Amini akiwa amezaliwa July 3 ya mwaka 1980 akiwa mdogo sana kwa Bi Alaina kwa miaka 34 (hapa kuna watu wana bahati sana ya kuolewa) ambaye alidumu nae hadi pale Bi Alaine alipoiaga Dunia mwezi December tarehe 17 ya mwaka 2009 huku akiwa na miaka 63 na ikiwa ni miaka 18 tangu kuondokewa na mume wake wa kwanza Kevin Peter Hall (The predator)