MTATIRO: MAHANGA NJOO TUSHINDANE KWA SIFA NA UWEZO SEGEREA.

 

Julius Mtatiro wa CUF ambaye analiwania jimbo la Segerea …kupitia UKAWA

Na Andrew Chale, modewjiblog

(Dar es Salaam). Mnamo Agosti 2.2015, Aliyekua Kada wa Chama cha Mapinduzi (CCM), Dk. Milton Makongoro  Mahanga ametangaza rasmi kujiunga  na upinzani kupitia Chama cha Demokrasia na Maendeleo (CHADEMA).. hata hivyo  baada ya kutangaza huko tayari  wanasiasa mbalimbali wamekuwa na maoni yao huku wengine wakimtaka akubali ushindani ndani ya UKAWA.

Miongoni mwa wanasiasa hao ni pamoja na Kada wa CUF Mwanasheria na mchambuzi wa mambo ya siasa nchini, Julius Mtatiro ambaye ameonyesha nia ya kulitaka jimbo hilo kipindi kirefu kupitia CUF na umoja wa UKAWA, ametoa ujumbe mzito wa kumkaribisha kada huyo ‘mjeruhiwa wa CCM’.

Julius Mtatiro kupitia ukurasa wake wa facebook, aliandika:

“Comrade Makongoro Mahanga! Karibu sana UKAWA!!…Kama unalitaka jimbo la Segerea njoo tushindanishwe kwa sifa uwezo na vigezo.

Natambua utakuwa na mchango mkubwa sana kwa ushindi wa UKAWA lakini lazima uwe tayari kumuunga mkono mgombea wa UKAWA ambaye atapitishwa ikiwa si wewe. Huku UKAWA hakuna kususia, kuna kushirikiana na kupambana tu”. Aliandika  J. Mtatiro kupitia ukurasa wake huo qa facebook.

Duru mbalimbali za kisiasa zinaeleza kuwa,  Kada huyo wa CCM, ambaye pia alikuwa Naibu Waziri wa Kazi na Ajira,  mapema  leo aliita wanahabari nyumbani kwake,  Segerea na kutangaza rasmi kujiondoa CCM  kwa kile alichoeleza kubinywa kwa demokrasia ndani ya chama hicho hivyo ameamua kuhama rasmi chama hicho.

Dk. Makongoro Mahanga akitangaza rasmi kukihama CCM, mapema leo nyumbani kwake, Segerea