Michezo | Darby Ya Mwanza Yakosa Mbabe Wake.

Na:Kennedy Lucas-Arusha.

Timu ya Alliance queens na Marsh academy za jijini mwanza juzi zimeshindwa kutambiana baada ya kutoka sare tasa ya bila kufungana katika mchezo wa kundi B ya ligi kuu ya wanawake iliyopigwa katika uwanja wa General Tyre jijini hapa.

Katika mchezo huo ambao ulivuta hisia za mashabiki na wapenzi wa mpira wa miguu mkoani hapa kwani timu hizo zenye upinzani mkubwa zimekuwa zikikutana tu kule jijini Mwanza na mara hii zikikutana hapa Arusha ambapo mchezo ulikuwa mkali huku safu ya ushambuliaji wa timu zote ikionekana kuwa butu baada ya kukosa nafasi nyingi za wazi na kupelekea kugawana alama moja moja.

Kocha mkuu wa Alliance queens Ezekiel Chobanka alisema amesikitishwa na matokeo ambayo ameyapata kwani akutegemea kutokana na kikosi chake kilivyo na ukiangalia na wapinzani wake huku akiitupia lawama safu yake ya ushambuliaji iliyokuwa ikiongozwa na wachezaji Aisha juma,Elizabeth Edward na Janeth maturanga ambao walitengeneza nafasi nyingi lakini wakashindwa kuzitumia kutoka a na kukosa umakini.

Kwa upande wake kocha wa Marsh Queens George Aron yeye alisema mchezo ulikuwa mzuri na anajipanga kwa michezo iliyobaki kuhakikisha anashinda hili waweze kuwa miongoni mwa timu nne kutoka kundi B ambazo zitatinga katika hatua ya nane bora.

"Mashabiki wa Marsh wawe na Imani na timu yao wasinung'unike kwa sababu tunapata matokeo haya ligi ni Ngumu na kila timu inakuja imejipanga"alisema Aron.

MWISHO.